Dende o ano 2006, os veciños e veciñas de Seoane converteron os traballos relacionados co millo nunha celebración, a festa do millo, co obxectivo de manter viva na memoria o proceso de cultivo deste cereal, tan importante durante moitos anos nesta Terra do Millo.

Os protagonistas son os veciños e veciñas de Seoane, encargados da sementeira, o coidado e a recollida do millo, que se converten en anfitrións o día da festa, no que non faltará comida e música, así como actividades para nenos e nenas.
 
A partir das cinco da tarde, os participantes na festa xuntaranse nunha aira para comezar os traballos adicados ó millo, que os visitantes poderán ver en vivo e en directo.

Todos estes traballos irán acompañados de música tradicional e a representación de teatro a cargo da compañía A Run Run que porán en escena a obra “Imos de escasulla”