Este sábado, día 21  de marzo, desenvolverase en San Valentín  a Liga Xunta de Galicia  de Hip Hop: "Galician Dance Tour Fene". Nesta competición inscribíronse 700 participantes, distribuídos en 13 categorías diferentes. Acreditacións ás 11h e inicio da competición ás 12h. A entrega de premios será ás 19.40 horas.

O domingo 22 de marzo terá lugar o "XIII Trofeo de Baile deportivo - Concello de Fene", que nesta edición será tamén sede do "Circuito Ibérico ICO 2026" (Competición conxunta de España e Portugal) e no que participarán 600 bailaríns e bailarinas nas categorías de bailes caribeños, danza coreográfica, standard, single e latinos. Disputarase a partir das 9h ata case as 21h. A apertura de portas será ás 8.30.