ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Os concellos de Fene, Mugardos e Neda remataron o venres pasado a edición deste ano do programa de lecer “Mocidade Activa”, que se desenvolveu desde mediados de xullo. Durante este último mes, as 22 rapazas e rapaces participantes viron novas maneiras saudables e creativas de aproveitar o tempo de lecer.
O obxectivo das sesións foi propoñerlles alternativas de lecer nas que podan realizarse plenamente e potenciar a súa personalidade lonxe de condutas adictivas. “Mocidade Activa” é un programa anual coordinado polos tres municipios que conta con axuda da Consellaría de Sanidade.
O proxecto levouse adiante con sesións diarias de dúas horas e media de duración dirixidas a mozos e mozas de entre 11 e 16 anos, unha banda de idade de grandes cambios na que cómpre prestarlle moita atención a como enche a cativería o seu tempo libre, xa que é no tránsito á puberdade e na adolescencia cando adoitan comezar condutas que poden derivar en adiccións.
O proxecto permitiulles ás mozas e mozos probar a artesanía electrónica, a pilotaxe de drons, o deseño e impresión 3D, o skate ou a comunicación radiofónica. Todas estas actividades enfiadas co traballo en grupo e o reforzo da comunicación.
Publica o teu comentario agora