A última vez que atendera ás Emisoras Municipais Galegas, o representante da CIG na central de Endesa nas Pontes e ex deputado no Parlamento, Fernando Branco, avisábanos de que, consonte pasasen os días sen resposta por parto do Ministerio, levarían a cabo mobilizacións máis potentes. Entón non cabía que canda o seu compañeiro no sindicato, Alberto Amado, fose iniciar unha folga de fame que manteñen nunha caravana aparcada fronte ao consistorio pontés e que cumpre xa a súa terceira xornada. Esta mañá pasaron un chequeo médico que deu resultado satisfactorio.