A aventura de Radio Fene comezou en 1984. A cidadanía sempre estivo no centro deste medio de comunicación local. Desde aquela data, pretende ser unha ferramenta ao servizo de veciños e veciñas, do movemento asociativo e da totalidade dos grupos políticos. Compromiso coa información de proximidade e coa dinamización social do comercio, deportes e da lingua e da cultura galega e universal. Aberta ao futuro do audio, expri-mindo as posibilidades do podcast pero tamén a maxia da radio en directo. Para este programa collemos o nome do libro de Rosalía de Castro “Follas Novas”. Rosalía naceu muller na Galicia do século XIX e participou dos movementos intelectuais da súa época. Como tal, como muller e como galega, escribiu e reflexionou sobre o mundo que a rodeaba.  Nós aspiramos a divertir, entreter, informar e tamén propiciar a reflexión sobre o mundo que nos rodea.

Eugenia Sanmartin no programa Follas Novas

Fotografía Xan Xe