Type in Motion, que se pode visitar en Vigo ata abril de 2012, está composta por case 120 obras de máis de 80 deseñadores. Inclúense nela vídeos musicais, secuencias de títulos de longametraxes, instalacións interactivas de tres dimensións, anuncios, curtametraxes, fachadas multimedias, logotipos, gráficos animados para televisión e radio, postais dixitais.... A través de todos estes materiais preténdese amosar as tendencias máis destacadas no eido do texto en movemento.

A Fundación Barrié deseñou un programa educativo paralelo á exposición que inclúe campamentos de Nadal, obradoiros, visitas guiadas e un workshop profesional. Todas estas actividades son de balde.