“Venezuela está de loito”, contaba Corina Padrón moi afectada pola desgraza que vive o seu país de orixe. Encolle o corazón escoitar a narración desta veciña de San Valentín sobre a situación que se vive estes días en Venezuela. Agradece a solidariedade recibida de España e lembra que se precisan alimentos, roupa e maquinaria para rescatar persoas atrapadas baixo os entullos de edificios caídos.

A alcaldesa Sandra Permui expresou a solidariedade e o cariño do pobo de Fene coas vítimas e lembrou os estreitos lazos que unen Galicia con Venezuela. O Concello de Fene, igual que outros da comarca como Neda, Ferrol ou Valdoviño, secundaron esta mañá o minuto de silencio convocado pola Federación Galega de Municipios e Provincias.