A pesar do tempo transcorrido, a obra conserva todo o seu valor e actualidade, xa que o autor se centrou fundamentalmente naqueles aspectos do país que resultan máis permanentes e, por tanto, menos suxeitos ás inevitábeis mudanzas temporais. Ao mesmo tempo, tal como o autor deixou expresado no manuscrito, incorpóranse ilustracións e gráficos que complementan a información ofrecida por el, mais con datos actuais, de modo que o libro se presenta ao público de hoxe perfectamente posto ao día no relativo á información que contén. A obra de Manuel María preséntase o martes en Ferrol.

O acto, organizado pola Sociedade Cultural Medulio, está previsto para as 20 e contará coas intervencións de Xosé R. Freixeiro, catedrático de Lingua Galega na Universidade da Coruña e Alberte Ansede, secretario da Fundación Manuel María de Estudos Galegos, ademais da presenza da viúva do escritor, Saleta Goy.