Os nacionalistas xuntáronse unha semana antes da celebración do Día de Galiza para compartir un xantar de confraternidade no entorno da praia fluvial de Baltar. O bo día e o ambiente de festa, pola coincidencia co Festival da Chaira, marcaron a xornada do sábado.

Á xuntanza non faltaron diversos cargos institucionais do BNG da comarca así como de Galiza Nova. Entre eles, o responsable comarcal da organización xuvenil nacionalista en Lugo, Rubén Arroxo; o responsable nacional de organización de Galiza Nova e membro do Consello Nacional do BNG, Lucía López Sobrado así como distintos militantes e simpatizantes de concellos da comarca de Lugo- Centro, A Fonsagrada, Pol, Ribeira de Piquín, Meira, Sarria, Lugo, Castro de Rei, A Pastoriza ou A Pontenova.

Esta é unha das múltiples actividades e iniciativas que leva a cabo Galiza Nova e que xiran arredor do Día da Patria. Dende a organización tamén teñen previstas varias charlas informativas sobre a importancia que debe ter para tódolos galegos o festexo do 25 de xullo.