“Espectacular afluencia de xente, da parroquia e de fóra”. Foi moi boa a acollida que tiveron as dúas primeiras representacións do ciclo de teatro de Limodre. A obra “Vaia Idiotas!”, representouna en xaneiro o grupo de Pontedeume DameCuerdaQueTeatro e o sábado pasado a  compañía de teatro do CMIU Fene Xosé María Pérez Parallé, dirixida por Xosé Bonome, puxo en escena a obra A Casa de Bernarda Alba de Federico García Lorca. 

A seguinte cita será o 29 de marzo, cando actuará na Escola de Limodre a compañía de teatro Licor Café da AVV O Pinar da Madalena, con dous sainetes de Jose Cedena Sánchez, “Ollo por ollo e gato por lebre” e “O oculista da vista”, baixo a dirección de Paco Brage. Para o 5 de abril anúnciase “Por um punhado de votos...”, de Artábria Teatro dirixidos por Helga Méndez, de Maquinarias Teatro. A entrada a todas as funcións é de balde.