ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Cúmprense cen anos do nacemento de María Casares. Unha galega que tivo que marchar de Galicia de adolescente, pero que nunca renunciou á súa conexión con esta terra. “Eu son do océano” dicía María Casares. Sabela Hermida elaborou unha tese en 2013 sobre as artes escénicas e a filosofía en María Casares. Agora ven de publicar un libro a partir daquela investigación. A correspondencia entre a actriz e o seu pai Casares Quiroga ten unha gran calidade literaria. O mesmo pasa coas cartas a Albert Camus. Cando visita Buenos Aires ten un caloroso recibimento por parte dos exiliados galegos.
Premio Moliere á mellor actriz de teatro. O goberno francés concédelle o Premio Nacional de Teatro e a lexión de honor. O goberno español premisa coa Medalla ao Mérito das Belas Artes. O goberno galego imponlle a medalla Castelao que recolle no seu nome o poeta Miguel Anxo Fernán Vello. En 1984 noméana filla predilecta da Coruña. María Casares morreu en novembro de 1996 pero a súa lembranza vive grazas entre outras a obras como esta de Sabela Hermida. "María Casares fronte ao espello" publicado por Xerais nunha coidada edición.
Publica o teu comentario agora