“Son eles os que idearon a acción, decidiron todo, a temática, a idea e a posta en marcha” destacou Rocío Cadahía, a monitora de AGARESO que impartiu o obradoiro, que tivo moi boa acollida entre o alumnado e o profesorado do IES de Fene. “Pensaban que unha forma de sensibilizar era a través do que mercan,  que utilizar o peixe podía chamar a atención”. Así naceu a idea de escenificar a peixería de lixo que montaron en Fene. Noutros concellos galegos a mocidade tamén actuou como motor de sensibilización da comunidade. En Cabanas fixeron unha suposta cata de produtos do mar. En Rianxo recolleron cabichas do Mercado Central e en Ponteareas montaron un wc xigante que encheron con toalliñas que recolleron do río, explicou Rocío Cadahía.