Conscientes da súa importancia para a nosa saúde, prestámoslle cada vez máis atención e demandamos alimentos saudables. Non obstante, adoitamos ignorar o ecosistema que produce os alimentos de igual xeito que ignoramos que formamos parte dese mesmo ecosistema. A produción dos nosos alimentos non é inocua para o territorio: conforma paisaxes, afecta a procesos de regulación eco-sistémica e mesmo crea culturas. Cada unha das nosas decisións de compra no mercado é un voto por un modelo de produción, e ese modelo de produción conforma o mundo en que vivimos, o territorio que habitamos e que habitarán os nosos fillos e fillas. Sobre eses temas falamos con Mar Pérez Fra, do Departamento de Economía Aplicada no Campus de Lugo da Universidade de Santiago de Compostela que conta cunha ampla traxectoria no deseño, desenvolvemento e avaliación de políticas de desenvolvemento rural. Empeza por ti, é un programa de Emisoras Municipais Galegas, realizado coa colaboración da Deputación de A Coruña.

Na imaxe, vides en Negueira na comarca da Fonsagrada