Como é posible que diante do anunciado “boom eólico” as administracións permitan o peche da fábrica de pas eólicas das Somozas e o despido de máis de 200 persoas?. As modificacións normativas aprobadas por Mariano Rajoy permiten disociar a concesión de parques eólicos das compensacións ás zonas afectadas polo impacto paisaxístico. Iso non o resolveu o actual goberno, segundo apunta o avogado Xoán Antón Pérez Lema. Galicia xa produce moita enerxía eólica, e se hai que incrementala debe recibir compensación a través dunha redución da tarifa eléctrica para favorecer a re-industrialización. Ten que haber compensación aos Concellos e aos propietarios dos montes, pero unha compensación xusta non a miseria que se están presentando na actualidade. A produción eólica é necesaria, pero, por exemplo, As torres para os muíños para a terra e para o mar deben facerse en Galicia. Se non se contemplan compensacións adecuadas, pode xerarse un escenario de conflito social inédito. opina Pérez-Lema.