Manuel Monge puxo como exemplo o traballo realizado pola Deputación de Badaxoz. Encargou un inventario de símbolos franquistas. Detectaron máis de 300 e logo enviou unha comunicación aos alcaldes indicandolles que debían retirar eses símbolos no prazo de tres meses. En caso contrario deixarían de recibir axudas económicas do organismo provincial. Hai máis de 650 símbolos, distincións e restos da ditadura franquista en Galicia. É hora de que se tome isto en serio. Todos os partidos deben facer unha autocrítica, segundo Monge. A existencia de rúas e simboloxía relacionadas co franquismo, despois de 44 anos de democracia, é unha vergoña. A súa eliminación é unha cuestión de vontade política de cumprimento da vixente Lei de Memoria Histórica.