O Museo Casa da Troia acolle mañá martes, 24 de setembro, a presentación dunha nova edición en inglés da novela de Alejandro Pérez Lugín La Casa de la Troya. O profesor Darío Villanueva, ex reitor da Universidade de Santiago e actual secretario da Real Academia Española, que participa na introdución, dará a súa visión deste proxecto.

Dende a primeira edición de 1915, a obra tivo máis dun cento de tiraxes, o que a sitúa entre as obras con maior número de edicións en lingua española. Traduciuse a varios idiomas e é unha das poucas obras de éxito españolas traducida ao inglés. Esta última edición en lingua inglesa "The House of Troy" iniciativa da editorial galega Camiño do Faro, é unha revisión doutra realizada en Boston en 1922.

No acto intervirán ademais Matías Membiela e Lucindo Javier Membiela, da editorial Camiño do Faro; o xornalista Albino Malloe Benigno Amor, presidente da Asociación de Antigos Tunos Composteláns, entidade que xestiona o museo.