En Sons de Nós temos a intención de achegarvos todo o que está a facerse no panorama musical galego no que a nosa lingua sexa o centro e motor da súa produción e resulta innegable que xa non hai proposta, nin xénero musical, que non conte na actualidade cunha boa parte dos seus representantes que non fagan a súa produción en lingua galega. 

Moi interesante a pegada que as músicas urbanas e a música electrónica teñen entre a mocidade galega. O seguimento ás bandas e solistas deste xénero está facendo que agromen propostas de concertos deste tipo por toda a xeografía galega. Ademais é máis que salientable o número de propostas deste xénero que “rapean”en galego con total naturalidade a xeito de herdeiros dos regueifeiros de toda a vida.

Hugo Guezeta é un dos representantes desta corrente musical máis salientable, del din os críticos que é un dos rapeiros e letristas máis importantes e talentosos do panorama coñecido no panorama musical galego. 

Hugo xa é un coñecido do público das músicas urbanas porque formou parte dende 2016 a 2023 de SonDeRua, o grupo separouse en 2023 En 2024, iniciou un proxecto en solitario, que está a situalo como un referente no mundo do rap galego. 

Tivemos a sorte de que Hugo veña na compaña do produtor Peter Petrowsky, o seu cómplice imprescindible nesta súa nova andaina musical e de Iván That Bass Dj, quen está participando nos directos de presentación do seu disco O Noso Tempo na xira na que están embarcados.

Fotografía: XanXe