ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Ferrol no tempo descubre a historia e a identidade urbana. A exposición podese visitar ata finais de xaneiro no edificio de Afundación de Abanca no Cantón de Molins. A mostra percorre a través de varias seccións a evolución e construción da cidade desde diversas perspectivas coa combinación de obxectos, materiais físicos e tecnoloxías interactivas.
Expoñense as notas do escribán Lopo García de Toar, notario público de Ferrol (segunda metade do S.XV) que copiou 23 poemas do cancionero de Afonso Paes cando a poesía trobadoresca en galego estaba en desaparición. Os poemas, conservados no Arquivo de Galicia, son innovadores e de valor excepcional na literatura peninsular da época.
A batalla de Brión en debuxos animados
Desde a Batalla de Brión librada en Ferrol en 1800 e recreada a modo de ilustracións animadas, a exposición mostra o Ferrol Vello que permanece nos símbolos, o deseño das estruturas defensivas e da loxística dos servizos de subministración e saneamento, así como os proxectos das grandes obras públicas, as comunicacións e a construción dos barrios. Unha evolución marcada pola chegada da industria e polo crecemento da poboación provocado polas necesidades da Armada e os estaleiros, con forte presenza de cidadanía estranxeira.
Baixo a premisa dunha expansión urbana considerada dos mellores exemplos da ilustración na Península Ibérica, atopamos planos e documentos dos séculos XVII e XVIII. Entre eles figura un mapa de 1639, conservado no Arquivo de Simancas, que describe o porto de Ferrol e no que a Coroa integra a ría dentro do sistema loxístico de apoio á Armada. Da mesma institución chega unha copia do plano orixinal do proxecto do Arsenal de 1751 de gran valor histórico porque presenta unha solución habitacional para o amplo continxente humano que chegaría á cidade. O plano da Alameda de Ferrol de 1841, procedente do Museo Naval de Madrid, é outra das pezas importantes que documentan neste caso a planificación da primeira alameda urbana de Galicia.
Os saberes técnicos teñen gran importancia no relato expositivo, destacando a Enciclopedia Mecánica (1962), precursora do hipertexto do libro electrónico, e en realidade de Internet. Unha enciclopeida ideada pola mestra Ángela Ruiz Robles e fabricada nas instalacións do Parque de Artillaría de Ferrol. Outro dos exemplos do Ferrol industrial, ligado á cultura técnica do Arsenal, é un reloxo de seis esferas de 1811 procedente do Museo de Pontevedra.
Na imaxe de Xan Xe, Manuel Gago, comisario da exposición "Ferrol no tempo"
Publica o teu comentario agora