Joaquín Ayala destaca a contribución do grupo socialista á introdución de novas bonificacións na plusvalía. Calcula que o 99% dos propietarios de vivendas en Fene poderán beneficiarse da nova bonificación para as herdanzas. Será do 95% no caso da primeira vivenda que se deixe aos herdeiros ata chegar a 65.000 euros do valor do solo. 

Criticou o voceiro socialista a proposta de prorrogar por seis meses o contrato do SAF a unha empresa que “vai ser sancionada por non cumprir o prego de condicións técnicas”. “Non houbo implicación suficiente”, opina Ayala que xunto co resto de voceiros dos grupos políticos foi convidado a comprobar in situ a situación do IES de Fene, que necesita reparacións e máis persoal administrativo. A petición da dirección do centro educativo, a Corporación votará unha proposta para solicitar á Xunta os investimentos necesarios.