ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Boiro e os veciños inaugurarán o vindeiro xoves día 24 de xuño, San Xoán, as obras de acondicionamento realizadas no lugar de Moimenta, na parroquia de San Xoán de Macenda. O acto, presidido polo Alcalde de Boiro, Xosé Deira Triñanes, comezará ás 21.00 horas, e está convidada a corporación municipal e os veciños que desexen asistir. A obra, denominada “Acondicionamento e mellora dun tramo de cami&n
Moimenta ten una estrutura eminentemente rural, tanto no social como no territorial. Con herdanzas do mundo agrogandeiro de mediados do século XX e que se van mudando coa transformación económica do país, alá polo 1990, aínda que no desenrolo urbanístico foron introducidos elementos foráneos e que distorsionaron a tipoloxía do lugar; polos usos e polo solo lindante está perfectamente enmarcado dentro dos parámetros de núcleo rural.
Esta aldea encaixa perfectamente nese concepto de núcleos a resgardar da especulación urbanística con instrumentos de planificación e recuperación edificativa e socioeconómica.
Coma tódolos núcleos, sufriu unha transformación e engadidos novos, aparecidos a partires do cemento e que contribuíron, en ocasións, a reducir o tradicional, dando paso a formas e estruturas de material moderno, ás veces sen gusto e que agriden as formas tradicionais.
O goberno de Boiro entende que Moimenta ofrece un núcleo antigo que debe ser recuperado para devolverlle a identidade do tradicional. Todo, no seu conxunto, debe ser obxecto dunha atención importante: os muros, así como formas, volumes e por suposto os rueiros tradicionais, que nesta aldea seguen a amosar o tradicional.
Por iso as actuacións levadas a cabo polo goberno neste núcleo, pretenden ser unha avanzadilla para outras actuacións noutros núcleos. Primeiro foi a recuperación da praza e do Centro Social, sempre en colaboración cos veciños, que achegaron o seu aporte económico, e agora o proxecto referido, “ Acondicionamento e mellora dun tramo do camiño veciñal no núcleo rural de Moimenta en san Xoán de Macenda”