Uns diarios que non debemos entender ao modo tradicional. Loureiro defíneos como unha mirada sobre este tempo de ferro que nos tocou vivir, un tempo difícil onde sempre é inverno, afirma o escritor de Sillobre.  O experto en mitoloxia celta Ramón Sainero , traductor do gaélico irlandés vai estar no acto de Fene por cadrar que pasa uns días na sua casa de Ortigueira. Tamén a poeta Luz Pozo Garza entroutras persoalidades do mundo da cultura.

Ramón está especialmente contento de que a literatura tamén sirva para que a xente visite a terra na que habitamos, facendo alusión a que os Diarios se presentan dentro da Mostra Turística “Ven a Fene!”

Sillobre ou “Escandoi” como a denomina na súa obra, son territorio de fronteira onde cada recuncho, cada lugar é un mundo que ten que ver cos usos que tivo, afirma o escritor. “En Fene, vas camiñando e ves un enorme estaleiro e pouco máis arriba ves o lobo”.

Confesou Ramón Loureiro que a partir dagora non vai escribir coa intensidade de antes e que escribirá sen o afán de publicar. Maniféstase medianamente contento co publicado ata agora. A pesar de non baixar nunca o listón, a súa maior fachenda é que Marina, unha veciña que supera os 90 anos, le todos os seus libros. “Iso para mín é o millor” afirma Loureiro.