O Partido Popular está de acordo co PSOE na importancia de que se cree un Centro de Información á Muller en Fene. O voceiro popular, Gumersindo Galego, pon en dúbida a eficacia do CIM móbil da Xunta, pois considera que un servizo destas características require privacidade que non pode dar unha unidade móbil.  

Presupostos

“Somos o segundo partido máis votado e a nosa opinión debía terse en conta e non darlle un trágala”, opina o voceiro do PP. “A nós non nos chamaron, pero alguén tiveron que chamar, para saír adiante é evidente que falaron con alguén, imaxino que están pechados co PSOE o cal me parece feo”, manifestou Gumersindo Galego que anunciou unha emenda do seu grupo sobre a carreira profesional e a actualización da Relación de Postos de Traballo. “O PP vai levar esa iniciativa para que se dote esa partida que está comprometida cos sindicatos”.