Uns douscentos escolares de 5º e 6 de Primaria asistirán ata final de curso ás charlas informativas que desenvolve a Concellería de Benestar de Fene. Nesta iniciativa traballan a pedagoga municipal, María Xosé Paz, e a educadora social, Cristina Fernández. A primeira das charlas tivo lugar no colexio público de Maciñeira, en Neda. Moitos dos alumnos e alumnas descoñecían os riscos e a prohibición das bebidas enerxéticas, dos que teñen información sobre todo pola publicidade. Tamén os animaron a consultar sempre as etiquetas dos produtos que consumen porque moitas veces descoñecemos os altos niveis de azucre e sal que levan. Logo da actividade fixeron unha avaliación ao alumnado asistente que deu resultados positivos, segundo confirmaron as profesionais dos Servizos Sociais do Concello de Fene.