Unha inoportuna lesión truncou a participación de Carolina Marín nos Xogos. Para facer fronte a unha decepción tan grande o primeiro é “aceptar que a vida non é xusta nin inxusta, por máis que planifiquemos, a vida ten un certo compoñente de incertísima, hai que aceptalo e adaptarse”, reflexiona Barcia Tuccelli. “Un deportista lesionase, pasa proceso de rehabilitación e volta á competición”. A experiencia previa e o apoio social axudan a superar unha perda importante ou unha crise vital.  “A experiencia previa axuda a axustar as expectativas, sabemos que temos ferramentas para saír adiante, sen ela a incerteza pode resultar insoportable”. 

Non foi unha lesión senón un mal resultado o que puxo na diana á atleta galega Ana Peleteiro. Ela mesma deu a coñecer que tralo seu sexto posto na final de triplo salto non parou de recibir mensaxes de odio e insultos. Barcia Tuccelli apela á necesidade de empatía. Lembra que ser sexto do mundo “é algo máis que un éxito”. Sinala que nas redes sociais moitas persoas, tamén os deportistas, están sobreexpostas. “Padecemos medallitis, porque se nos educa na busca de resultados no lugar de valorar a mellora, o proceso”.