Tras a lesión, o Cultural Maniños decidiu retirarse e non xogar os quince minutos que quedaban do partido, segundo declarou a Radio Fene a adestradora Noelia Leiras. O acta arbitral recolle un resultado final de Xallas 1 - 0 Maniños. O encontro da Segunda División Galega de fútbol feminino (Grupo 1) celebrouse no campo da Fontenla en Santa Comba.

“Iamos ao partido moi motivadas, tras a vitoria da xornada anterior pero na primeira parte un mal entendemento na defensa, permite o gol do segundo clasificado” indica Noelia. “Saímos do descanso, moi motivadas, e nun despexe Lucía quedou coa perna clavada e xa vimos na cara que se trataba dunha lesión grave, chamamos a ambulancia, atendeuna unha xogadora do Xallas que é enfermeira pero tivo que esperar no vestiario. Trasladárona a Santiago onde lle colocaron o nocello, van agardar para operala ata o xoves ou venres.  “Foi un golpe duro pero lle trasladamos todo o apoio do club” conclúe a técnica. 

Imaxe: Lucía Seoane "Capi" en Radio Fene

Fotografía Xan Xe