Levan polo mundo o noso nome

Levan polo mundo o noso nome
23 de Agosto, 2024 - 12:03 h. | Publicada por Radio Monforte

«Os viños, eses produtos da nossa terra que alegram os nossos coraçons e levam polo mundo o nosso nome» afirmaba Ricardo Carvalho Calero no pregón da Feira do Viño do Ribeiro en Ribadavia en 1980. Adegas Algueira participa a vindeira semana no mercado do viño de Burdeos. Hoxe os viños galegos compiten en calidade cos de calquera parte do mundo. Elevase o prezo da botella e liderase a vangarda do sector. Iso vai en paralelo coa recuperación das castes autóctonas, ancestrais, enraizadas no territorio. Entre elas sobresae unha das máis xenuínas, a branca lexítima, unha variedade que fora perdendo terreo desde comezos do século XX. Agora ofrece todo o seu potencial nas terras de Betanzos, Navia e Barbanza-Iria. Pero tamén en Esmelle (Ferrol) e na Ribeira Sacra. Un viño da máxima expresión.

ESCOITA O PODCAST:

Fernando González fala da entrada de adegas Algueira no mercado do viño de Burdeos:
https://redefusion-eu.us.stackstaging.com/audio/230824GONZALEZ.mp3

Fotografia Xan Xe

Os adegueiros coinciden en debuxar un futuro esplendoroso para o viño: «Hai que buscar caldos aromáticos, con elegancia, con sutileza, con personalidade porque o viño é o reflexo da paisaxe» indica Fernando González de Adegas Algueira, quen rexenta un restaurante en Doade (Sober.  Noutras zonas no mundo do viño entraron grandes grupos inversores. El recibe excursións aos que lles ofrece catas guiadas e camiñadas polas viñas da Ribeira Sacra, unha zona cunha viticultura humana.
Coa entrada do século XXI, múltiples adegueiros esfórzanse por recuperar terras para elaborar viños con potencialidade e personalidade, caldos que poden competir en calquera mercado do mundo. O clima e o terreo ofrecen condicións óptimas.

 

 

Na imaxe, Fernando González de Adegas Algueira na viñoteca Vide Vide de Santiago de Compostela

Fotografía Xan Xe

 

Cultura
  • 525 lecturas

Publica o teu comentario agora