“Ser líder non é o mesmo que ser xefe, liderar é poñerse diante dun grupo para marcar un camiño. o líder non ten subordinados, como o xefe, ten seguidores”, aclara Barcia Tuccelli. “Todas as persoas poden mandar, non todas poden ter seguidores”, remacha. Sobre os distintos tipos de liderado, os máis coñecidos son o autocrático, que obriga, e o democrático, no que as decisións se toman por consenso. Pero non son os únicos, Tamén hai o que pon obxectivos de rendemento e premia ese rendemento, o que busca inspirar, o que pon o foco nas habilidades ou o carismático. 

Tocante á dedicación que require a práctica profesional do deporte o primeiro é “atopar o equilibrio para que a persoa estea sa tanto a nivel físico como emocional”. Agora ben, no caso do deporte espectáculo  “se queremos ser profesionais en contextos tan esixentes hai que asumir unha serie de coidados que se asentan desde as escolas deportivas”.