Listo o primeiro monopile

Listo o primeiro monopile
17 de Xuño, 2024 - 01:41 h. | Publicada por Radio Fene

Finalizada a fabricación do primeiro monopile para o parque eólico mariño de East Anglia Three, en Escocia. Segundo informa a empresa, a fábrica de monopiles do estaleiro de Navantia Seanergies en Fene, finalizou a primeira unidade do pedido. 

A fábrica de monopiles do estaleiro de Navantia Seanergies en Fene, construída por Navantia e Windar Renovables, completou o primeiro monopile para o parque eólico mariño de East Anglia Three (Escocia), que está a ser desenvolvido por Scottish Power (Iberdrola). O primeiro monopile dese contrato, cunhas dimensións máximas de 84 metros de lonxitude, 1800 toneladas de peso e 10,6 metros de diámetro, xa se atopa na zona de almacenamento do estaleiro de Fene, tras pasar polo taller de fabricación de monopiles e polo taller de pintura. O contrato de 45 monopiles, asinado en abril do pasado ano, vai supoñer un total de 900.000 horas de traballo durante un prazo de execución de 15 meses, o que xa está a xerar ao redor de 450 empregos entre Navantia, Windar e industria auxiliar colaboradora.

Sociedade

Publica o teu comentario agora