ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Dous submarinistas faleceron e un terceiro resultou ferido tras envorcar a embarcación na que saíran a facer pesca submarina na Ría de Muros e Noia. Dous deles son veciños do Porto do Son e un terceiro de Ribeira (A Coruña).
Segundo informaron fontes do 112, ás 1.10 horas deste domingo o servizo de emerxencias recibiu o aviso de que desde a tarde do sábado tres persoas estaban desaparecidas tras saír nunha planadora a pescar na na Ría de Noia.
Foron mobilizados os helicópteros 'Pesca 1', dependente da Xunta, e o 'Helimer 211', de Salvamento Marítimo, ademais do Servizo de Gardacostas e pesqueiros da zona.
Sobre as 3.30 horas foi localizada entre a zona de Xuño e cabo Corrubedo, a embarcación envorcada con dous tripulantes falecidos e un terceiro ferido que estaba agarrado, sendo evacuado polo 'Helimer 211' a un hospital de Vigo.
Pola súa banda, os corpos dos dous falecidos foron recuperados por un pesqueiro de Porto do Son, que os levou ao porto desta localidade coruñesa.