So os máis afortunados, cachorriños ou de raza, teñen a sorte de ser adoptados pronto. “Se é cachorriño tarde 20-30 días, se é de raza nada e menos, os dez días legais, e con lista de espera para adoptalo”. Menos sorte teñen outros, como unha cadela que leva case toda a súa vida acollida por Cometa “medrou na protectora veu de cachorriña e xa ten ano e medio”.

“Sempre fan falta mans novas. Somos todos voluntarios e ás veces é difícil compaxinar para que sacalos pasear varias veces ao día, cantos máis sexamos en mellores condicións estarán”, anima Nuria Pérez a colaborar coa asociación Cometa. Fináncianse, sobre todo, con cotas dos socios, “o máis importante, e dos eventos que imos facendo todos os meses, a venda de merchandising, tamén optamos a algunha subvención, pero cobren algunha parte e os ingresos son sempre a posteriori”.