Como en anteriores edicións, a festa inclúe o certame de lanzamento de pucheiros e outros xogos tradicionais. O venres terá lugar tamén un Festival Folk e o domingo os asistentes á Festa dos Botes poderán tomar parte nunha comida á beira do río.

A Festa dos Botes é unha celebración de orixe pagá e espírito irónico, unha das máis antigas da comarca. De feito, hai documentos que acreditan a súa existencia a comezos de século. Houbo épocas nas que estivo prohibida como, por exemplo, nos anos 50, cando o goberno civil eclesiástico vixiaba os excesos, os veciños máis bromistas decoraron a igrexa con latas e cacharros, o párroco enfadouse e non se volveu celebrar a festa ata o ano 1982.