Love of Lesbian é unha formación nacida en Barcelona en outono de 1998 e que conta con seis discos no seu haber. Ademais de “1999”, editaron Microscopic Movies (1999), Is it Fiction? (2002), Ungravity (2003), Maniobras de escapismo (2005) e Cuentos chinos para niños del Japón (2007). A banda xa tocou en grandes eventos en España, como o Festival de Benicassim, ou o Eristoff Internative Festival. Insertos na música pop de corte indie, o seu último traballo aproximou o seu son ata cotas mais complexas, ao engadir sintetizadores e unha produción mais enriquecida, o que deixa unha música mais bailable. O seu directo é un dos seus sinais de identidade, co que non deixará a ninguén decepcionado.Ademais de Love of Lesbian, desde a Concellería de Xuventude, encabezada por Jesús Bermúdez, anúnciase que contarán con outros tres grupos “importantes”, que poderían pecharse nos próximos días. O orzamento deste festival, organizado polo Concello de Vilalba conta cun orzamento duns 40.000 euros. Stereolab acompañará a Love of Lesbian. Os cántabros Estereotypo serán un desas tres formacións que acompañarán a Love of Lesbian, segundo adiantou hoxe Jesús Bermúdez. Este grupo, autodefinido como “un “espectáculo itinerante de rock y baile”, presenta´ra en Vilalba o seu último traballo “Love Your City”, que foi masteirzado por Mike Marsh (Chemical Brothers, Phoenix,…) e é unha fusión de indie rock con música electrónica.