Lugo coce o San Froilán

Lugo coce o San Froilán

05 de Outubro, 2014 - 12:00 h. | Publicada por Radio Lugo

Ata duascentas mil doses de seme ao ano produce un dos bois que onte desfilou por diante da Casa do Concello de Lugo nunha peculiar procesión agrícola que abriu as festas do San Froilán. Os cans de palleiro, as galiñas de Mos, o porco celta, bois e vacas de raza rubia galega recibiron o aplauso dos curiosos e dos representantes da Corporación.

Este domingo Lucía Pérez actuará ás nove e media da noite na praza de Santa María, a orquestra París de Noia complacerá aos seus seguidores ás once da noite na Praza Maior e Cats & Monkeys actuará ás once e cuarto no Patio do Seminario. As festas maiores de Lugo rematarán o domingo dia doce, domingo das mozas coa actuación de Susana Seivane.

Sociedade
  • 298 lecturas