Máis lobos doentes

Máis lobos doentes
22 de Novembro, 2022 - 11:13 h. | Publicada por Radiofusión

O podcast Lobos doentes presentouse na Coruña o pasado 1 de outubro cun roteiro, literario, musical e gastronómico. Presentarase tamén en Santiago o próximo martes, 29 de novembro, a partir das 19.30 na tenda de produtos galegos Vide Vide, un acto que se complementará cunha cata de viños da adega Algueira guiada polo seu propietario, Fernando González.     A participación na cata terá prazas limitadas e un custe por persoa de doce euros. Ábrese o prazo de inscrición mañá mércores ás 12 do mediodía no correo electrónico sonradiofusion@gmail.com

Fotografía Xan Xe

Unha das escenas do capítulo segundo do podcast Lobos doentes desenvolvese na taberna O Secreto na rúa Alameda da Coruña. Nese mesmo episodio, o policía Pereiro cea co alcalde da cidade e co presidente Zapatero. A trama desenvolvese o 3 de marzo de 2004, poucos dias antes das eleccións xerais. “Lobos doentes” é unha adaptación da novela do mesmo nome de Antonio Tizón. Pode escoitarse en Radio Fene todos os dias de luns a venres, ás 9,15 da mañá e ás 9,15 da noite. Dirixida por Eugenia Sanmartín e producida por Son Radiofusión.

 

Na imaxe camiñada pola Cidade Vella de presentación do podcast.  A Coruña, 1 de outubro de 2022

Fotografía Xan Xe

Cultura

Publica o teu comentario agora