Méndez Romeu, un veterano da política galega, asociado aos gobernos de Francisco Vázquez na Coruña, foi gañando relevo no grupo parlamentario até asumir a portavocía que non podía ocupar o ex secretario xeral José Ramón Gómez Besteiro por non contar con acta de deputado autonómico. Agora busca dalgún modo poñerlle o ramo á súa traxectoria no seo do partido aspirando a ser o cabeza de cartel nos comicios do outono, algo para o que podería contar con outro veterano e voz autorizada no PSOE, o alcalde de Vigo Abel Caballero, aparentemente máis próximo a el que a outros candidatos.