“Traballar para acadar a permanencia e formar xogadores da canteira para o primeiro equipo”, é o obxectivo que se marca Rafa Afonso como adestrador do Perlío B. Con el marcha o seu segundo, Cristian Anton. A dirección técnica  do feminino chegou hai dous anos, nun momento no que o equipo atravesaba unha situación complicada. “A clave é o vestiario, foi a fortaleza que nos axudou”. O que requiriu máis traballo “que confiaran nas súas capacidades”. Lembra que se fixo cargo do equipo nun momento no que “a miña intención era botar unha man ao club e déronme o pulo para volver gozar do fútbol, cero que nos atopamos no momento xusto”. Nestas primeiras semanas a fronte do Perlío B pensa “tantear aos xogadores e a partir de aí a ver con quen contamos”, sinala. 

En boas mans

Sobre o equipo feminino, celebra que se faga cargo Conchi López. “Penso que está capacitada e ten as condicións, é a mellor noticia para irme tranquilo, foi un apoio estes dous anos”.