Bouza amosouse moi crítica respecto aos orzamentos do goberno galego para o vindeiro ano que, na súa opinión, se basearían en dúas variables: maior gasto público e máis cartos para investir no emprego. Coas medidas orzamentarias do goberno de Núñez  Feijóo resulta imposible loitar contra o desemprego e a Xunta ten que propiciar o crecemento económico, salientou.

A representante sindical comparou ao executivo galego co central indicando que están a aplicar a mesma receita: reducción de gastos e botando man dos ingresos. Bouza criticou a suba dos impostos indirectos independentemente do poder adquisitivo das persoas. “Habería que gravar as rendas máis altas seguindo un modelo retributivo máis xusto e equitativo. Nós demandamos da Xunta medidas que permitan a creación de emprego e que Galicia saia a crise en boas condicións”, precisou.