O voceiro de EU de Fene apunta que son varios os puntos nos que se debe incidir . O alumeado de  baixo consumo, investimento en tecnoloxías de información e comunicación, o acondicionamento e a mellora dos edificios e locais de San valentín ou a eliminación de barreiras arquitectónicas constitúen algunhas das prioridades a ter en conta neste Plan E. 

No que atinxe ao PXOM adxudicarán este xoves a revisión do Plan Xeral de Ordenación Municipal á empresa Arquiur. Unha actuación que segundo Manuel Sánchez non chega sen tempo tras 14 reunións para adoptar unha decisión. Apoia a vertebración de urbanismo e industria e a das parroquias coa ampliación dos núcleos urbanos das zonas rurais. Outro dos puntos que considera clave no PXOM é a ampliación do polígono de Vilar do Colo así como a mellora das comunicacións e a continuación da Ronda Oeste. 

Ante a proposta do BNG da creación dunha comisión de seguimento deste plan, Sánchez sinala que non só é necesaria senón que a mesma dá sentido á reforma. Deste xeito  garántese unha maior transparencia e participación, afirma.