“De Portugal a Galicia Fado”, que unha vez máis foi autoeditado pola artista e contou cun "micromecenado privado" cuberto polos amigos, estalle a procurar a María do Ceo máis aceptación ca nunca alén Miño. Ademais dos parabéns que recolle en Portugal, o traballo en forma de libro-disco conta coa beizón do presidente da Real Academia Galega, Xesús Alonso Montero, quen escribiu un limiar para a ocasión. A cantante segue estes días a presentar o disco por toda Galicia e entre os seus próximos concertos figura un que dará o día de San Valentín en Burela.