ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
María Lorenzo Miguens e Manuel Lorenzo Baleirón (pai e filla) lograron o Premio Xerais de novela coa obra Tonas de laranxa presentada baixo o lema "Pouso de Arcai". O lírico, o onírico e o simbólico conxúganse nun libro moi pulido que recrea un espazo imaxinario con persoaxes curiosos, fabulosos e entrañabeis, segundo salientou o xurado. O poeta Eusebio Lorenzo inspirounos para realizar esta obra, afirmou o escritor galardo
Premio Merlín
Marcos Sánchez Calveiro gañou o Premio Merlín de literatura infantil coa súa obra "Palabras de auga". A novela narra as peripecias dun xove swahili e o autor fai un impecable retrato do ser humano, cunha viaxe ao interior da persoa e polo continente africán. "Teño palabras de escarnio e de mal dizer para os que nos mal gobernan, e para os que pensan que a educación é un gasto e non unha inversión" indicou o escritor premiado, despois dunhas emocionadas palabras adicadas á súa familia.
Alusións ao rei
"Eu non creo que exista aventura nunha cazata onde o tigre non ten oportunidade ningunha de papar ao cazador. Mesmo se ás veces o elefante se arrepón e truca, crebando un óso" manifestou a escritora Marilar Aleixandre no seu discurso lido no acto de Edicións Xerais. A literata convocou ao público "a ler libros que arden, a escribir libros que prendan lume".
Máis de douscentos homes e mulleres da cultura, achegáronse á illa de San Simón, nun dia atlántico, segundo asegurou o músico Xurxo Souto. Afirmou a presentadora do acto, a directora comercial da editorial, Celia Torres, "Sen o público lector, Xerais non tería razón de ser".