ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A marea madridista chega a Perlío. Un grupo de seareiros do Real Madrid vén de crear unha peña en Perlío, a primeira existente no concello de Fene, que está a dar os primeiros pasos e ten previsto presentarse oficialmente no outono.
O sentimento madridista deste grupo de afeccionados do Real Madrid vén de lonxe. Pasaron arredor de 5 anos desde que comezaron a xuntarse, primeiro no Cuarto Camiño e máis adiante na Cervexería Tarabela. Alí, ademais de ver os partidos do seu equipo formaron un grupo de whatsapp, no que atopamos o antecedente da peña. O seu presidente, Daniel González Calvo, "Monty" informou en Radio Fene da marcha dos trámites para a formación da peña e deu fe do rexurdimento que está a vivir o madridismo en Ferrolterra. A peña xa ten case 70 socios e veñen de poñer á venda a súa propia lotaría de Nadal, que se pode adquirir na Cervexería Tarabela. Unha vez superado o mínimo marcado pola entidade merengue, de 50 socios, a mediados de setembro enviarán todas as inscricións ao clube para ser recoñecidos oficialmente. E pensan facer a súa presentación oficial nunha cea á que asistirá un representante do Real Madrid. Será en novembro, no restaurante Mundial. Lembrarán a Joaquín Pérez, xove de Fene que defendeu a camisola do Real Madrid nos comezos do século XX.
Publica o teu comentario agora