O libro contén textos de Miguel Anxo Fernán Vello, Paulino Pereiro, Carme Vidal, Darío Xohán Cabana e tamén da propia Ledo, cineasta e académica da Real Academia Galega. O documental, en formato DVD, de 30 minutos de duración, fai unha homenaxe a Manuel maría, á súa contorna máis próxima, á súa extensa obra e ao seu activismo político.

A presentación do proxecto desenvólvese no espazo cinematográfico e libraría Numax, firma que é tamén a responsable do deseño gráfico do produto que estará á venda en librarías especializadas, nas tendas Rei Zentolo e na web de Nós. A esta presentación seguiránlle outras no resto de cidades e vilas galegas.