Nun comunicado Agamar, reitera a súa solictude “de maneira rotunda” para que a Consellería do Mar “abandone de inmediato a política de intolerancia, demagoxia  e discriminación que practica contra as mariscadoras”. Ademais laiánse que xa pasaran dous meses desde que se suprimisen estas axudas de subsistencia ás maiores de 65 anos sen aportar, ata o momento, “a máis mínima solución” para que estas traballadoras volvan a cobrar esta prestación.

Ademais da concentración desta tarde en Santiago de Compostela, Agamar  realizará outros actos de protesta nas localidades onde vivan  afectadas, así como dirixirse aos concellos destas localidades para solicitar o seu apoio. Tamén se laia que a Federación de Confrarías de Galicia aínda non se pronunciara sobre este asunto.