Mascotas moi coidadas

Mascotas moi coidadas
01 de Abril, 2023 - 12:09 h. | Publicada por Radio Fene

Mellorou moito o coidado das mascotas en Fene. Asegurouno no espazo Radio Animal unha especialista, Yovana Alonso, que desde hai case sete anos ten a tenda e servizo de perruquería canina Yovi, na rúa da Fraga de Fene.

ESCOITA O PODCAST:

“Cando abrín había moitos cans que viñan infestados de pulgas e carrachas ou con problemas dermatolóxicos. Agora é raro o can que apareza con pulgas, e o dono soe poñerlle remedio no momento”, asegura. No seu negocio ofrecen os servizos necesarios para coidar a hixiene dos cans. Iso si hai que pedir cita. Teñen lista de agarda que acostuma ser de dúas semanas. “O corte de unllas ou a limpeza de oídos son cousas que algunha xente non sabe ou non se atreve a facer porque ten medo facerlle dano ao animal”, son algúns dos servizos que ofrecen. Dispoñen tamén a posibilidade do auto lavado e na tenda teñen produtos de alimentación, complementos e xoguetes.

 

Sociedade

Publica o teu comentario agora