“Matar as horas de nostalxia” foi o detonante creativo para que Castelao puxera negro sobre blanco a que é, con toda seguridade, unha das obras teatrais máis representadas en Galicia, Os vellos non deben de namorarse. Esta peza é unha traxicomedia dividida en tres lances e na que tres vellos -o boticario don Saturio, o fidalgo don Ramón e o rico herdeiro señor Fuco- namóranse de quen non deben, tres rapazas novas casadeiras -Lela, Micaela e Pimpinela. A única obra teatral de Castelao nace en New York froito, como deciamos, da morriña de Castelao pola lonxanía da Galiza, estreouse en Buenos Aires e agora convertémola, por vez primeira, nun podcast para emisión radiofónica e tamén a través da internet, unha obra teatral galega e en galego a disposición do mundo. A proposta, impulsada por Emisoras Municipais Galegas coa colaboración da Deputación da Coruña, foi un xeito máis, neste caso a través de fórmulas radiofónicas, para contribuír a seguir a dar a coñecer a obra do escritor, artista e político Alfonso Daniel Rodriguez Castelao.