Medra o emprego en enerxías renovabeis

Medra o emprego en enerxías renovabeis

27 de Febreiro, 2010 - 12:00 h. | Publicada por Radio Ordes

O emprego en enerxas renovabeis superará este ano os 215.000 postos de traballo, segundo Fernando Moraleda, portavoz da Comisión Mixta Congreso - Senado de Cambio Climático. O deputado sinalou que a principal causa do cambio climático "está na man do propio home" e salientou a importancia de apostar por enerxias alternativas "para cambiar o sistema produtivo".

A Casa da Cultura do Concello de Ordes acolleu onte unha charla sobre o cambio climático na que participaron preto dun centenar de persoas, entre as que se encontraron un grupo de alumnos e alumnas do IES Maruxa Mallo, así como representantes de asociacións do municipio e demais público en xeral.

A charla estivo impartida por Fernando Moraleda Quílez, que explicou aos participantes a importancia de ter en conta esta problemática que afecta á sociedade mundial, así como a necesidade de que todos, incluidos os gobernos, tomen conciencia ao respecto. Ademais tamén respondeu ás preguntas do público que se interesou polo tema en todo momento.

Moraleda, estivo acompañado polo alcalde de Ordes, Manuel Regos, e polo concelleiro de Medio Ambiente, Xesús Pedreira. O primeiro edil agradeceu a participación de Moraleda nesta iniciativa levada a cabo polo Concello de Ordes, así como insistiu na necesidade de que todos tomemos conciencia desta problemática, e de aí “que dende o Concello de Ordes levemos a cabo este tipo de iniciativas de carácter informativo”, dixo.

Sociedade