Estas Xornadas, que foron sempre un debate aberto e de grande popularidade entre o agro galego, celébranse 23 anos despois da última edición en 1987 na localidade de Poio. Os organizadores destacan a súa utilidade como ferramenta de análise e de proxección de futuro, xa que, como afirma un dos relatores do evento, Antonio Oca, é importante analizar a rendibilidade agraria.

O coordinador das Xornadas, Emilio López, indicou na súa presentación que son un fito da agricultura galega, sendo a vangarda do debate técnico, económico e social das explotacións galegas. Segundo López, esta edición terá un valor engadido pola situación actual do sector, significando un punto de inflexión e un feito político, xa que se vai debater se a agricultura galega ten futuro. Os organizadores móstranse convencidos de que o ten e tratarán de demostralo nestas xornadas.