“Hai moita xente que viaxa cos cans agora, sobre todo a xente que ten auto caravanas”, sinala Noemí. Para quen se aloxe en hoteis, recomenda asegurarse antes de reservar de que o establecemento permite, se saes, deixar no cuarto ao can. Se o animal pode ter problemas de ansiedade por separación aconsella levarlle un transportín sen porta e traballar antes marcándolles un sinal para que se acostume a quedar tranquilo cando está so. 

Esperando un bebé

“Hai que ter coidado”. Se  vai chegar un bebé a unha familia con gatos ou cans debemos preparalos con tempo para a novidade. “Canto antes empecen moito mellor”. Explica a veterinaria etóloga que “os animais teñen un vínculo estupendo con nós, pero iso non quere dicir que o vaian ter co recen chegado”. O problema radica en que os bebés choran e móvense e iso asústaos. “O traballo dos sons e dos movementos son imprescindibles”, avisa Noemí.