“Logo o Maniños empurrando pero conseguimos defender bastante ben o resultado” afirma Piñeiro. O Perlío continua na primeira posición da Segunda Galicia de fútbol, con 15 puntos, dous de vantaxe e un partido menos que o segundo clasificado. Pero aínda queda moita liga, dezaseis encontros para o remate da competición.

Eles empezaron máis metidos no partido, sinala o adestrador do Maniños Pablo Mesa. Ao lograr o gol, logo xogaron máis cómodos. O Perlío estivo máis atinado. Temos que pelexar e traballar pensando xa no próximo rival, afirma o técnico. “Quedan moitos partidos e todos podemos perder puntos. Non é a xornada penúltima ou antepenúltima e o título non é cousa de dous, senón que hai máis equipos que aínda están no xogo”.