“Samporiña” é a tapa campioa para o xurado profesional. Foi a que ofreceu Arrecendo, galardoada con diploma e unha cesta de produtos por cortesía de Eroski Center. Para o xurado a tapa subcampioa foi Tricolor con chips de guanciale de O Son de Cociña, que gañou outro batedor cedido por Establecementos Aguilar. 

“Mare croccante”, elaborada pola cafetería Lembranza, resultou ser a preferida do público. O premio nesta categoría consistiu un diploma e unha cesta de produtos por cortesía da cooperativa do Val. En segundo lugar quedou a cafetería Bombay cos seus buñuelos de cocido, que lle valeron un batedor por cortesía de Establecementos Aguilar.

Éxito de público

O acto celebrado na Casa do Concello foi presidido polo alcalde, Juventino Trigo, que se felicitaba polo éxito desta nova edición do Concurso de Tapas de Fene convocado pola Concellería de Promoción Económica. Da repercusión da iniciativa dá idea o feito de que se recolleron 2.745 tarxetas e 199 fenerrutas completas. Entre todas as persoas que saborearon as tapas tamén se sortearon numerosos agasallos ofrecidos por todos os colaboradores que tivo o Concello nesta edición do certame. Con premios moi variados que inclúen unha viaxe, dúas maletas de cabina e outros moitos agasallos.